ԱՌՖԻ ՔՐԱՈՒԴՖԱՆԴԻՆԳԻ ՀԱՐԹԱԿԻ ՏՎՅԱԼՆԵՐԻ ԳԱՂՏՆԻՈւԹՅԱՆ ՔԱՂԱՔԱԿԱՆՈՒԹՅՈՒՆ
- Գրանցվելով ԱՌՖԻ քրաուդֆանդինգի հարթակում՝ (այսուհետ Հարթակ), թողարկողները և ներդրողները (այսուհետ Մասնակից) տրամադրում են անձնական տեղեկատվություն և համաձայնում են Հարթակի կողմից այդ տեղեկատվության գաղտնիության քաղաքականությանը։ Սույն քաղաքականության փոփոխությունները հրապարակվում են Հարթակի ինտերնետային կայքում՝ www.arfi.am:
- Հարթակի օպերատորը սույն քաղաքականությամբ սահմանված կարգով իրավունք է ձեռք բերում Մասնակցի կողմից տրամադրված տվյալները մշակել` հավաքագրել, ձայնագրել, համակարգել, պահպանել, թարմացնել, փոխանցել, ջնջել: Սույն կարգին չհամաձայնվելու դեպքում Մասնակիցները պետք է խուսափեն Հարթակի օգտագործումից։
- Մասնակցի տվյալները մշակվում են միայն Հարթակում գրանցվելու դեպքում՝ Հարթակի ինտերնետային կայքում ինքնուրույն լրացնելով իրենց տվյալները Հարթակի ծառայություններից օգտվելու նպատակով։
- Մասնակցի համաձայնությունը Հարթակի տվյալների մշակման քաղաքականությանը ուժի մեջ է մտնում Մասնակցի գրանցման օրվանից սկսած մինչև այն պահը, երբ Մասնակիցը չեղարկի իր համաձայնությունը կամ մինչև Հարթակի գործունեության դադարեցման պահը։
- Տվյալների մշակումն իրականացվում է հետևյալ նպատակներով՝
- Մասնակցի նույնականացման,
- ներկայացված տեղեկատվության ճշգրտության և ամբողջականության հաստատման,
- անվտանգության ապահովման և հնարավոր խարդախությունները կանխելու,
- հարթակի ծառայություններից օգտվելու համար անհրաժեշտ պայմանագրերի կնքման,
- Մասնակցի համաձայնությամբ երրորդ անձանց փոխանցելու նպատակով նոր ծառայությունների առաջարկների մասին տեղեկատվության ստացման նպատակով:
- Մասնակցի կողմից տրված համաձայնությունը կարող է հետ կանչվել ցանկացած պահի՝ այդ մասին տեղեկացնելով Հարթակի օպերատորին էլ-հասցեով կամ Հարթակի էլեկտրոնային տիրույթում։ Այս դեպքում Հարթակի օպերատորը դադարեցնում է Ներդրողի տվյալների մշակումը և, ՀՀ օրենսդրության համաձայն, Ներդրողի տվյալները պետք է պահպանվեն գործարար հարաբերությունները դադարելուց հետո առնվազն հինգ տարի։
- Մասնակիցը կարող է բաժանորդագրվել Հարթակում իր էլ-փոստին վերլուծական նյութեր, տեղեկագրեր, Հարթակի օպերատորի կողմից անցկացվող միջոցառումների և այլնի մասին տեղեկություններ ստանալու նպատակով։ Բաժանորդագրությունն իրականացվում է Հարթակի օպերատորի ինտերնետային կայքի համապատասխան մասում էլ-փոստի հասցեն տրամադրելով։ Մասնակիցը կարող է չեղարկել բաժանորդագրությունը ցանկացած պահի։ Չեղարկելու հնարավորությունը նշվում է Մասնակցին ուղարկված յուրաքանչյուր նամակում։
- Հարթակի օպերատորը օգտագործում է նաև տվյալների մշակման քուքիներ՝ տեքստային ֆայլեր, որոնք գրանցում են Մասնակցի այցելած ինտերնետային կայքերը Հարթակի ծառայությունների բարելավման նպատակով։ Մասնակիցը կարող է ցանկացած պահի հրաժարվել նման տեղեկատվություն տրամադրելուց՝ փոխելով համակարգչի ինտերնետ բրոուզերի պարամետրերը:
- Եթե Մասնակցի կարծիքով Հարթակի օպերատորն իր տվյալների մ՛շակումն իրականացնում է խախտելով ՀՀ օրենսդրության պահանջները, նա իրավունք ունի համապատասխան բողոք ներկայացնել Հարթակի օպերատորին։ Մեկամսյա ժամկետում բանակցությունների միջոցով համաձայնության չգալու դեպքում վեճերը լուծվում են Հայաստանի Հանրապետության օրենսդրությամբ սահմանված դատական կարգով:
- Մասնակիցը պարտավորվում է տրամադրել հուսալի և ճշգրիտ տվյալներ, ժամանակին թարմացնել այդ տվյալները և չտրամադրել իր Հարթակի օգտագործման անհատական տվյալները երրորդ անձանց։
- Հարթակի օպերատորն իրավունք ունի Մասնակցի տվյալները փոխանցել երրորդ անձանց միայն
- Մասնակցի համաձայնությամբ,
- ՀՀ կենտրոնական բանկին,
- հետաքննության մարմիններին,
- ՀՀ օրենսդրության համաձայն այլ լիազորված մարմինների։
- Տվյալների փոխանցման դեպքում ևս տվյալների մշակման պայմանները պետք է համապատասխանեն սույն կարգի և ՀՀ օրենսդրության պահանջներին։
- Հարթակի օպերատորը հավաքում է Ներդրողների տվյալները, որոնք թույլ են տալիս կամ կարող են թույլ տալ ուղղակիորեն կամ անուղղակիորեն նույնականացնել նրա ինքնությունը, այդ թվում․
Ֆիզիկական անձ ներդրողների դեպքում՝
- Անձը հաստատող փաստաթղթի տվյալներ,(համար,տրամադրման ամսաթիվ, անուն, ազգանուն, ծննդյան ամսաթիվ, քաղաքացիության վերաբերյալ տվյալներ):
- Ներդրողի ռեզիդենտության և գրանցման երկրի, ինչպես նաև աշխատանքային երկրի վերաբերյալ տեղեկատվություն,
- Հաճախորդի Կենսական շահերի կենտրոնը,
- Իրական շահառուի առկայության (բացակայության) վերաբերյալ տեղեկատվություն,
- Ներդրողի հիմնական գործունեության և մասնագիտության վերաբերյալ տեղեկատվություն,
- Հնարավոր ներդրման տեսակի, ինչպես նաև ներդրվող գումարի ծագման երկրի վերաբերյալ տեղեկատվություն
Իրավաբանական անձ ներդրողների դեպքում՝
- Պետական գրանցումը հավաստող փաստաթղթի պատճենը (վերջին տարբերակը),
- Հիմնադիր փաստաթղթի պատճենը (վերջին տարբերակը),
- Առանց լիազորագրի Ներդրողի անունից հանդես գալու իրավասություն ունեցող ֆիզիկական անձանց ցանկը և նրանց նշանակումը հավաստող փաստաթղթերի պատճենները,
- Ներդրողի անունից լիազորագրի հիման վրա գործող լիազորված ֆիզիկական անձանց ցանկը և նրանց լիազորությունները հավաստող փաստաթղթերը կամ դրանց պատճենները,
- Հայտարարություն իրական շահառուի առկայության (բացակայության) վերաբերյալ,
- Ներդրողի թողարկած բաժնային արժեթղթերի քսան ևավելի տոկոսին տիրապետող անձանց ցանկը,
- Հարթակի կողմից պահանջված այլ փաստաթուղթ:
- Հարթակի օպերատորն ինքնուրույն է որոշում այն միջոցառումների ցանկը, որով պարտավորվում է ապահովել Մասնակիցների տվյալների մշակումը սույն կարգին, Հարթակի՝ «Ճանաչիր քո հաճախորդին և փողերի լվացման և ահաբեկչության ֆինանսավորման դեմ պայքարի ընթացակարգի» և ՀՀ օրենսդրության պահանջներին համապատասխան։ Տվյալները հասանելի են Հարթակի համապատասխան լիազորություններ ունեցող աշխատակիցներին, որոնք պարտավորվում են երաշխավորել տվյալների գաղտնիության պահպանումը։ Այդ նպատակով Հարթակի օպերատորը ապահովում է համապատասխան տեխնիկական պայմանները, ինչպես նաև բոլոր միջոցառումները՝ կանխելու չարտոնված մուտքը Հարթակ, տվյալների ոչնչացումը, փոփոխությունը, տարածումը և այլ անօրինական գործողություններ երրորդ անձանց կողմից։
- Հարթակի օպերատորը իր ծառայությունների մատուցման շրջանակներում կարող է օգտվել երրորդ անձանց կողմից մատուցվող Ներդրողի նույնականացման և Ներդրողի հետ հարաբերությունների կառավարման համակարգերից՝ դրանք ինտեգրելով Հարթակին։ Հաճախորդների տվյալների պաշտպանությունը ապահովելու նպատակով Օպերատորը երրորդ անձանց ընտրության ժամանակ կիրառում է հետևյալ չափանիշները՝
- Ունենալ GDPR ստանդարտներին համապատասխան գործող ծրագիր։
- Տվյալների պահպանում ISO 27001, PCI DSS ապահովող ամպային ենթակառուցվածքներում։
- Մասնակիցների վերաբերյալ տեղեկատվության հասանելիություն միայն Հարթակի օպերատորի կողմից։