ԱՌՖԻ
Ներդրումային քրաուդֆանդինգի առաջին հարթակը Հայաստանում
ԱՌՖԻ-ի մասին
Բարի գալուստ ԱՌՖԻ: ԱՌՖԻ ներդրումային ընկերությունը՝ գրանցված և լիցենզավորված ՀՀ Կենտրոնական բանկի կողմից, հիմնադրվել է 2022 թվականին՝ աջակցելու ներդրողներին և ընկերություններին հասնել իրենց բիզնես նպատակներին:
ԱՌՖԻ-ում մենք առաջարկում ենք քրաուդֆանդինգի հարթակ, որի հիմքում է ներդրումային ոլորտում բացառիկ փորձ տրամադրելու տեսլականը, իսկ թափանցիկությունը և ընդունված չափանիշներին հավատարիմ լինելը՝ մեր հարթակի անխախտելի կանոններն են:
Բիզնեսի զարգացման ճանապարհը անցեք ԱՌՖԻ-ի հետ։ Անկախ նրանից՝ ընկերություն եք, որը փնտրում է ֆինանսավորում իր գաղափարը կյանքի կոչելու համար, կամ ներդրող, ով պատրաստ է շահավետ ներդրումների, մեր հարթակը պարզ և հարմար լուծում է: Մենք ապահովում ենք անվտանգ և թափանցիկ միջավայր, որը առաջնահերթություն է տալիս թե՛ ընկերությունների, և թե՛ ներդրողների կարիքներին՝ պահպանելով ներդրումային քրաուդֆանդինգի ընդունված չափանիշները։
ԱՌՖԻ-ի մասին
Առաքելություն
ԱՌՖԻ-ն առցանց հարթակ է, որտեղ ընկերությունները կարող են ֆինանսավորում գտնել իրենց նախագծերի համար, իսկ ներդրողները կարող են հեշտությամբ ներդրումներ կատարել առցանց: Մենք ավելին ենք, քան պարզապես քրաուդֆանդինգի հարթակ. մենք հուսալի միջնորդ ենք, որը կապ է ապահովում Հայաստանում գործող ընկերությունների և ամբողջ աշխարհից մասնավոր ներդրողների միջև:
Մեր առաքելությունը հստակ է՝ նպաստել Հայաստանի տնտեսության աճին և զարգացմանը՝ հնարավորություն ընձեռելով ստարտափներին և փոքր ու միջին ձեռնարկություններին ֆինանսավորում ստանալ իրենց խոստումնալից նախագծերի համար: ԱՌՖԻ հարթակի միջոցով մենք նոր հնարավորություններ ենք ստեղծում Հայաստանի գործարարների համար՝ հաղթահարելու ֆինանսական խոչընդոտները:
Մեր հարթակը միավորում է հեռատես ներդրողների և ստույգ տեսլական ունեցող ընկերությունների՝ ստեղծելով դինամիկ էկոհամակարգ, որը խրախուսում է ձեռներեցությունը, ստեղծում աշխատատեղեր և խթանում է տնտեսական աճը։
Միացե՛ք մեզ՝ կերտելու Հայաստանի տնտեսության ապագան ԱՌՖԻ-ի ներդրումային հարթակի օգնությամբ։
Բաժնետերեր և ներդրողներ
ԱՌՖԻ ներդրումային ընկերության միակ բաժնետերը Հայաստանի պետական հետաքրքրությունների ֆոնդ (ԱՆԻՖ) ՓԲԸ-ն է: ԱՆԻՖ-ը հեղինակավոր կազմակերպություն է, որը հայտնի է իր՝ Հայաստանի ազգային շահերն առաջ մղելու և տնտեսական աճը խթանելու հանձնառությամբ:
Նպատակներ
Մշակել Հայաստանում առաջին ներդրումային քրաուդֆանդինգի հարթակը՝
հայկական ընկերություններին ֆինանսական աջակցություն տրամադրելու նպատակով։
Ներդնել ֆինանսավորման նոր գործիքներ,
որոնք կնպաստեն ձեռնարկատերերի և ներդրողների շահերին և թույլ կտան ընկերություններին ինքնուրույն սահմանել ֆինանսական միջոցներ հայթայթելու պայմանները։
Բարձրացնել ձեռնարկատերերի և ներդրողների շրջանում
ներդրումային քրաուդֆանդինգի վերաբերյալ իրազեկվածությունը՝ իրականացնելով մարքեթինգային և գովազդային արշավներ։
Բիզնես սկզբունքներ
Անաչառություն
Անաչառությունը ԱՌՖԻ ընկերության հիմնական արժեքն է: Մենք հավատարիմ ենք այս սկզբունքին՝ կիրառելով ընտրություն կատարելու այնպիսի համակարգեր, որոնք անկողմնակալ և արդար մոտեցում են ցուցաբերում մեր պլատֆորմի բոլոր անդամների նկատմամբ:
Պրոֆեսիոնալիզմ
Պրոֆեսիոնալիզմը արմատացած է մեր մշակույթում։ Մենք հավատարիմ ենք կորպորատիվ կառավարման միջազգային չափանիշներին և կոլեգիալ որոշումների կայացման սկզբունքներին: Մեր թիմում ներգրավված են Հայաստանի ֆինանսական շուկայի մասնագիտական և միջազգային որակավորում ունեցող մասնագետներ։
Օրինականություն
Օրինականությունը մեզ մոտ առաջին տեղում է։ Մենք երաշխավորում ենք հարթակում միջոցներ հայթայթող ընկերությունների օրինականությունը, ինչպես նաև ստուգում ենք ներդրողներին՝ փողերի լվացման և ահաբեկչության ֆինանսավորման դեմ:
Համագործակցություն
Համագործակցությունը ԱՌՖԻ ընկերության հիմնաքարերից է։ Մենք համագործակցում ենք մի շարք տեղական և միջազգային կազմակերպությունների հետ՝ ներդրողների բազան ընդլայնելու և միջազգային տնտեսական և սոցիալական չափանիշներին համապատասխան ներդրումային ծրագրեր առաջարկելու նպատակով։ Արդյունքում մենք ստեղծում ենք սիներգետիկ էկոհամակարգ, որը խթանում է բիզնեսի աճը, նորարարությունը և դրական սոցիալական ազդեցությունը:
Բիզնես սկզբունքներ
Էդգար Էվոյան
ԱՌՖԻ-ի գործադիր տնօրենԱրամ Նալբանդյան
Խորհրդի անդամՍրբուհի Մելքոնյան
Գլխավոր հաշվապահԱրթուր Դիլանյան
Խորհրդի անդամՄանուկ Խուդոյան
Խորհրդի անդամԿանոնադրական փաստաթղթեր
Ծառայություններ
Եթե ներդրող եք, ով փնտրում է ներդրումային հետաքրքիր հնարավորություններ, ԱՌՖԻ-ն հիանալի միջոց է բացահայտելու և ներդրումներ կատարելու նորարար ընկերություններում: ԱՌՖԻ-ն ներդրողներին առաջարկում է մի շարք ծառայություններ՝ իրավական աջակցությունից մինչև սեփականության իրավունքի գրանցում, վճարումների մշակում և ներդրումների կառավարում:
ԱՌՖԻ-ն առաջարկում է տարբեր ծառայություններ նաև ֆինանսական միջոցներ փնտրող ընկերություններին՝ մարքեթինգային լուծումներից մինչև ներդրումների անվտանգ կառավարում:
Զարգացող ստարտափներ
Բացահայտեք զարգացման մեծ ներուժ ունեցող նորաստեղծ ընկերություններ, որտեղ ներդրում կատարելը կերաշխավորի բարձր եկամտաբերություն:
Մանրակրկիտ ստուգում
ԱՌՖԻ-ն լայնածավալ ուսումնասիրություն է իրականացնում հարթակում ներդրումային քրաուդֆանդինգ իրականցնող ընկերությունների վերաբերյալ՝ համոզվելու, որ նրանք համապատասխանում են բոլոր չափանիշներին: Դա նշանակում է, որ կարող եք վստահորեն ներդրումներ կատարել՝ համոզված լինելով, որ կատարվել է մեծ աշխատանք՝ առավելագույն որակ և հուսալիություն ապահովելու համար:
Իրավաբանական աջակցություն և համապատասխանության հսկողություն
ԱՌՖԻ-ն տրամադրում է իրավական աջակցություն և համապատասխանության ապահովում, որը կօգնի կողմնորոշվել ֆինանսական միջոցներ տրամադրելու հետ կապված կարգավորող պահանջների հարցում: Համոզված եղեք, որ ընկերությունները համապատասխանում են կարգավորող պահանջներին և գործում են իրավական նորմերի շրջանակում:
Ներդրումների անվտանգ կառավարում
ԱՌՖԻ-ն առաջարկում է էսքրոու ծառայություններ, որոնց դեպքում միջոցները պահվում են երրորդ կողմի հաշվի վրա՝ մինչև ներդրումների ավարտը: Վստահե՛ք ԱՌՖԻ-ին․ մենք ապահովում են ներդրումների անվտանգության ամենաբարձր մակարդակ:
Ներդրումների վերահսկում և հաշվետվություն
Պատրաստվեք վերահսկել կատարած ներդրումները պրոֆեսիոնալի պես՝ օգտագործելով ԱՌՖԻ-ի հետագծման և հաշվետվության գերժամանակակից գործիքները: Մենք ներդրողներին հնարավորություն ենք տալիս ծանոթանալու ընկերության առաջընթացի, համապարփակ ֆինանսական հաշվետվությունների և այլ կարևոր տեղեկությունների մասին իրական ժամանակում: Եղեք մեկ քայլ առաջ և կատարեք տեղեկացված ընտրություն:
Սեփականության իրավունքի գրանցում
ԱՌՖԻ-ն երաշխավորում է սեփականության իրավունքի գրանցումը Հայաստանի Կենտրոնական դեպոզիտարիայում՝ ապահովելով սահուն և թափանցիկ գործընթաց ներդրված ծրագրերում սեփականության իրավունք հաստատելու համար:
Ներդրողների հսկայական ցանց
ԱՌՖԻ-ն ընկերություններին համար հասանելի է դարձնում ներդրողների մեծ և ներգրավված համայնք, ովքեր հետաքրքրված են ներդրումային նորարարական և հետաքրքիր հնարավորություններով:
Ստուգումների պարզեցված գործընթաց
ԱՌՖԻ-ն իրականացնում է կայքում թվարկված ընկերությունների և ներդրումային հնարավորությունների մանրակրկիտ իրավական փորձաքննություն՝ համոզվելու, որ դրանք համապատասխանում են սահմանված չափանիշներին, ինչը կնպաստի ներդրողների վստահությանը:
Մարքեթինգ և առաջխաղացում
ԱՌՖԻ-ն ունի փորձագետների թիմ, ովքեր կարող են օգնել ընկերություններին խթանել իրենց ծրագրերը և ներկայացնել դրանք հավանական ներդրողներին՝ մեծացնելով հաջող ֆինանսավորման հավանականությունը:
Իրավաբանական աջակցություն և համապատասխանության հսկողություն
ԱՌՖԻ-ն ընկերություններին տրամադրում է իրավական աջակցություն և համապատասխանության հսկողություն՝ վստահ լինելու, որ նրանք համապատասխանում են կանոնակարգերին և կարող են ճիշտ կողմնորոշվել ֆինանսական միջոցներ հայթայթելու հարցում:
Գույքագրման կառավարում
ԱՌՖԻ-ն տրամադրում է գործիքներ և անհրաժեշտ աջակցություն ներդրողների կառավարման համար, ներառյալ՝ ներդրողների հետ հարաբերությունները, հաղորդակցությունը և հաշվետվությունները։ Սա օգնում է ընկերություններին կառուցել ամուր և վստահելի հարաբերություններ ներդրողների հետ և կրկնապատկել հետագա ներդրումների հնարավորությունները:
Ներդրումների կառավարում
ԱՌՖԻ-ն առաջարկում է էսքրոու ծառայություններ, որոնց դեպքում միջոցները պահվում են երրորդ կողմի հաշվին՝ մինչև ներդրումների ավարտը՝ այդպիսով երաշխավորելով ներդրումների անվտանգությունը:
Ներդրումների վերահսկում և հաշվետվություն
ԱՌՖԻ-ն տրամադրում է համապատասխան գործիքներ ներդրումներին հետևելու և ներդրողներին հաշվետվություններ ներկայացնելու համար, ներառյալ՝ ընկերության առաջընթացի վերաբերյալ թարմացումները, ֆինանսական հաշվետվությունները և այլ տեղեկություններ, որոնք օգնում են ընկերություններին բարձրացնել վստահության մակարդակը ներդրողների հետ հարաբերություններում:
Ինչպես է հարթակը աշխատում
- Հիմնական տեղեկատվություն
- Նախքան ներդրումներ կատարելը
- Ինչ եք ստանում, երբ ներդրումներ եք կատարում
- Ծանոթացեք ռիսկերին
Ինչ պետք է իմանալ նախքան ներդրումներ կատարելը
Ինչու ներդրումներ կատարել հայկական ընկերություններում
1. Զարգացող շուկա․ Հայաստանի տեխնոլոգիական ստարտափների էկոհամակարգը զգալի աճ է ապրում ՝ մեծացնելով ներդրումային հնարավորությունները:
2. Ներդրումների հասանելիություն․ նախկինում նման ներդրումային հնարավորությունները սահմանափակվում էին ինստիտուցիոնալ ներդրողների, վենչուրային կապիտալիստների (VCS) և հրեշտակ ներդրողների շրջանակով: Այժմ ԱՌՖԻ-ն ընդլայնում է այս հնարավորությունները ավելի մեծ լսարանի համար՝ ներդրումներ կատարելու հնարավորություն ընձեռելով բոլոր ցանկացողներին:
3. Դիվերսիֆիկացում․ hայկական ընկերություններում ներդրումները թույլ են տալիս դիվերսիֆիկացնել ներդրումային պորտֆելները ակտիվների ավանդական դասերից, ոլորտներից կամ աշխարհագրական շրջաններից դուրս՝ ապահովելով ավելի բարձր եկամտաբերության և ռիսկերի նվազեցում:
4. Տնտեսական աճ․ hայկական ընկերություններում ներդրումներ կատարելը կարող է նպաստել տեղական տնտեսության զարգացմանը՝ աջակցելով աշխատատեղերի ստեղծմանը, խրախուսելով ձեռներեցությունը և նպաստելով տարածաշրջանում տնտեսական աճին:
5. Ներդրումային հնարավորություններ վաղ փուլերում․ ԱՌՖԻ-ն առաջարկում է ներդրումային հնարավորություններ զարգացման վաղ փուլում գտնվող ընկերություններում՝ ապահովելով համեմատ ավելի բարձր եկամտաբերության հնարավորություն, թեև ավելի բարձր ռիսկեր:
ԱՌՖԻ-ի վճարները
Ֆինանսավորման գումարի 9% միանվագ վճարով, ներառյալ՝ բոլոր վճարումները և գրանցման ծառայությունները, ԱՌՖԻ-ն առաջարկում է վճարումների պարզ և թափանցիկ համակարգ։ Ավելին, այս վճարը կիրառվում է միայն այն դեպքում, եթե ներդրումը հաջող է, ինչը ներդրումային գործընթացը դարձնում է հարմար և առանց ռիսկի: Բաց մի՛ թողեք ներդրումներ կատարելու այս հիանալի հնարավորությունը, գրանցվեք ԱՌՖԻ-ում այսօր:
Ներդրումներ կատարելուց առաջ համոզվեք, որ…
Կատարել եք պատշաճ ստուգումներ
Ներդրումներ կատարելուց առաջ մանրակրկիտ ուսումնասիրեք ընկերությունը կամ նախագիծը՝ համոզվելու համար, որ այն օրինական է և ունի վստահելի բիզնես պլան:
Գնահատեք ռիսկերը
Յուրաքանչյուր ներդրում ռիսկեր է պարունակում, և նախքան ներդրումներ կատարելը կարևոր է այդ ռիսկերը ճիշտ գնահատել: Համոզվեք, որ ուշադիր կարդացել եք ներդրումային փաստաթղթերը և պարզեք բոլոր կասկածները։
Ծանոթացեք ներդրումային պայմաններին
Համոզվեք, որ լիովին հասկանում եք ներդրման պայմանները, օրինակ՝ ժամկետները, եկամտաբերությունը և չեղարկելու տարբերակները։
Ներդրեք միայն այնքան, որքան պատրաստ եք կորցնել
Ներդրումներ կատարելը միշտ պարունակում է որոշակի ռիսկեր: Կարևոր է ներդնել միայն այնքան գումար, որքան կարող եք թույլ տալ կորցնել: Նեդրվելիք գումարը չպետք է ազդի Ձեր ֆինանսական կայունության վրա:
․․․ծանոթացել եք ներդրումային պայմաններին
-
Ֆինանսավորման նվազագույն նպատակը
Սա ընկերության կարևոր մեկնակետն է։ Երբ ընկերությունը հասնի ֆինանսավորման նվազագույն նպատակին, կմեկնարկի մրցավազքը: Յուրաքանչյուր ներդրում ՝ մեծ կամ փոքր, զգալի ազդեցություն ունի:
-
Ֆինանսավորման առավելագույն նպատակ
Սա ընկերության նպատակն է` ներգրավել առավելագույն ֆինանսավորում ՝ ընկերության աճը խթանելու և տեսլականը կյանքի կոչելու համար։
-
Արժեթղթի գին
Ներդրումներ կատարեք՝ ձեռք բերելով արժեթղթեր ԱՌՖԻ-ի միջոցով և դարձեք նորարար ընկերությունների զարգացման պատմության մի մասը:
-
Վերջնաժամկետ
Գործեք արագ, քանի որ առաջարկների ժամանակը սահմանափակ է: Բաց մի թողեք բացառիկ նախաձեռնության մի մասը դառնալու հնարավորությունը:
-
Արժեթղթի տեսակ
Ընտրեք ընթացիկ/նախընտրելի/ապագայում թողարկվող բաժնետոմսերից կամ նախապատվություն տվեք կորպորատիվ պարտատոմսերին: Միացե՛ք ընկերությանը այս կարևոր ճանապարհորդության ժամանակ:
Ինչ եք ձեռք բերում, երբ ներդրում եք
Ընկերության պարտատոմսեր
Ներդրողները գումար են տալիս ընկերությանը՝ ակնկալելով, որ ընկերությունը կվերադարձնի ներդրումները պարտատոմսերի տեսքով։
Ընկերության բաժնետոմսեր
Ներդրողները կապիտալ են տրամադրում ընկերությանը բաժնետոմսերի որոշակի մասի դիմաց:
Բաժնեմաս
Բաժնեմաս կամ բաժնեմասին համարժեք դրամական փոխհատուցում՝ ընկերության բաժնեմասի հետգնման կամ դրամական փոխհատուցման իրավունքով։
Ծանոթացեք ռիսկերին
Պրոեկտի ձախողում
Ստարտափ ընկերությունները և փոքր և միջին ձեռնարկությունները ձախողման ավելի մեծ հավանականություն ունեն՝ համեմատած ավելի կայացած բիզնեսի հետ: Շատ ստարտափներ դժվարությամբ են զարգանում, հասնում շահութաբերության կամ կողմնորոշվում մրցակցային շուկաներում։ Ստարտափի ձախողման դեպքում կա բոլոր ներդրումները կորցնելու ռիսկ, ուստի ներդրողները պետք է տեղյակ լինեն նման ռիսկերի մասին՝ նախքան որևէ ներդրումային որոշում կայացնելը:
Կապիտալիզացիայի ռիսկ
Աճելու և զարգանալու համար ստարտափներին հաճախ անհրաժեշտ է մի քանի փուլով ֆինանսավորում։ Ներդրողները կարող են բախվել իրենց սեփական կարողությունը նոսրացնելու մարտահրավերին, եթե ստարտափը լրացուցիչ կապիտալ է հավաքում ավելի բարձր արժեքով, կամ եթե ընկերությունը ավելի շատ բաժնետոմսեր է թողարկում նոր ներդրողների համար:
Շուկայական ռիսկ
Ստարտափներն աշխատում են դինամիկ և մրցակցային շուկաներում։ Կան ռիսկեր, որ ստարտափի արտադրանքը, ծառայությունները կամ բիզնես մոդելը կարող են բավարար ճանաչում չստանալ շուկայում կամ ունենալ արդեն կայացած մրցակիցներ: Ներդրողները պետք է գիտակցեն, որ շուկայական պայմանների կամ հաճախորդների նախասիրությունների փոփոխությունները կարող են ազդել ստարտափի հեռանկարների վրա:
Իրացվելիության ռիսկ
Ստարտափներում և փոքր և միջին ձեռնարկություններում ներդրումներ կատարելը, ընդհանուր առմամբ, իրացվելի չէ. հետևաբար, վաճառել կամ հրաժարվել ներդրումներից դժվար կլինի: Ներդրողները ստիպված կլինել սպասել նախնական հրապարակային առաջարկի (IPO): Այս հանգամանքը պետք է հաշվի առնել և համապատասխանաբար մանրակրկիտ գնահատելներդրումային հորիզոնը և դրամական միջոցների հոսքը:
Գնահատման ռիսկ
Ստարտափները սովորաբար գնահատվում են ապագա ներուժի և կանխատեսումների հիման վրա, այլ ոչ թե նյութական ակտիվների կամ ֆինանսական ցուցանիշների: Այս դեպքում կա գործարկման արժեքը վերագնահատելու կամ թերագնահատելու ռիսկ, ինչը կարող է հանգեցնել ներդրման գնի և ապագայում իրականացված իրական արժեքի միջև անհամապատասխանության:
Տեղեկատվություն և կարգավորում
Հաճախորդի իրավունքները
Համաձայն «Ֆինանսական համակարգի հաշտարարի մասին» ՀՀ օրենքի պահանջների ՝ ԱՌՖԻ-ն հաստատել է «Հաճախորդների բողոք-պահանջների քննության կանոնակարգ», որը սահմանում է Հաճախորդների բողոք-պահանջների ներկայացման, քննության և դրանց վերաբերյալ որոշումների կայացման կանոնները, ինչպես նաև բողոք-պահանջները քննող աշխատակցի իրավուքներն ու պարտականությունները:
Յուրաքանչյուր ֆիզիկական անձ իրավունք ունի օրենքով սահմանված կարգով բողոք ներկայացնել Ֆինանսական համակարգի հաշտարարին:
- Հաշտարար: Փիրուզ Սարգսյան
- Հասցե: ք. Երևան, Մովսես Խորենացու փողոց 15, «Էլիտ Պլազա» բիզնես կենտրոն, 7-րդ հարկ
- Հեռախոս: +374 10 58 23 22, +374 10 58 23 21
- Ֆաքս: +374 10 58 24 21
- E-mail: info@fsm.am
- Կայք: qwww.fsm.am